U-571 (cinta)

Iste articlo ye sobre una cinta de cine belico coproducida por Estaus Unius y Francia estrenada en l'anyo 2000; ta atros usos, se veiga U-571 (desambigación).

U-571
Títol	U-571

Ficha tecnica
Dirección	Jonathan Mostow
Dirección artistica	Maria-Teresa Barbasso Marco Trentini Robert Woodruff
Producción	Dino De Laurentiis Martha De Laurentiis
Disenyo de producción	William Ladd Skinner Götz Weidner
Guión adaptau	Jonathan Mostow Sam Montgomery David Ayer
Basau en	una historia de Jonathan Mostow
Musica	Richard Marvin
Fotografía	Oliver Wood
Montache	Wayne Wahrman
Escenografía	Robert Gould Cynthia Sleiter
Vestuario	April Ferry
Maquillache	Eloisa De Laurentiis Renato Francola Vincenzo Mastrantonio Francesco Nardi Luigi Rocchetti Maurizio Silvi
Peluquería	Enzo Cera Elisabetta De Leonardis Giancarlo De Leonardis Francesca De Simone Paola Genovese Frances Mathias Francesco Scaramella Mauro Tamagnini
Casting	Carol Lewis
Actors	Matthew McConaughey Bill Paxton Harvey Keitel Jon Bon Jovi David Keith Jake Weber Jack Noseworthy Tom Guiry Will Estes T. C. Carson Erik Palladino Dave Power Derk Cheetwood Matthew Settle Thomas Kretschmann Gunter Würger Oliver Stokowski Burnell Tucke
Color	Color by DeLuxe Kodakvision
Datos y cifras
País(es)	Estaus Unius Francia
Anyo	2000
Estreno	17 d'abril de 2000 Estaus Unius^[1] 6 de setiembre de 2000 Francia^[1]
Chenero(s)	Cine belico
Durada	116 min.
Idioma(s)	Anglés Alemán
Companyías
Productora(s)	Dino De Laurentiis Company Canal+ Image
Distribución	Universal Pictures
Estudio(s)	Cinecittà Studios Malta Film Studios
Presupuesto	62 millons de dólars
Recauto	127 millons de dólars
Informacions en bases de datos especializadas:

U-571 (títol orichinal, estrenada en Aragón con ixe mesmo títol) ye una cinta de cine belico coproducida por o cine estausunidense y lo cine francés estrenada l'anyo 2000, dirichida por Jonathan Mostow seguntes un guión adaptau por él mesmo y por Sam Montgomery y David Ayer (basau en una historia d'o mesmo Jonathan Mostow), con una banda sonora orichinal de Richard Marvin, una dirección de fotografía d'Oliver Wood y una producción cinematografica de Dino De Laurentiis y Martha De Laurentiis ta las productoras Dino De Laurentiis Company y Canal+ Image. Conta con un elenco formau por Matthew McConaughey, Bill Paxton, Harvey Keitel, Jon Bon Jovi, David Keith, Jake Weber, Jack Noseworthy, Tom Guiry, Will Estes, T. C. Carson, Erik Palladino, Dave Power, Derk Cheetwood, Matthew Settle, Thomas Kretschmann, Gunter Würger, Oliver Stokowski y Burnell Tucke, entre d'atros actors.

En mayo de 1942, mientres a batalla de l'Atlantico en a Segunda Guerra Mundial, o submarino U-571 d'a Kriegsmarine d'o Tercer Reich ha padeixiu importants danyos en os suyos motors por l'ataque d'un destructor d'a Royal Navy britanica que amás ha provocau un incendio a on han muerto os mecanicos que pueden reparar-los. Por ixo lo capitán d'o submarino, Günther Wassner, ninvía una senyal d'o socorro enta los suyos superiors. Os servicios d'intelichencia d'os Aliaus han interceptau a senyal y deciden modificar a escape o submarino S-33 d'a US Navy ta fer-lo pareixer un submarino alemán de furnimiento y enganyar a la tripulación de l'U-571 ta apoderar-se d'él y, especialment, d'a maquina Enigma d'o suyo interior que permite decodificar os mensaches alemans, ta posteriorment fundir o submarino y asinas fer creyer a los alemans que la maquina enigma s'ha perdiu en a mar y que no modifiquen os suyos codigos. O capitán d'o submarino estausunidense, Dahlgren, tien como segundo a lo mando a Tyler, descontento con él porque ha bloqueyau o suyo ascenso ta mandar o suyo propio submarino, cosa que ha feito Dahlgren en considerar que Tyler tien dificultaz ta dar órdens sin dubdar. Ta la misión s'han incorporau a la tripulación d'o submarino lo tenient Hirsch y l'operador de Wentz, que charran alemán perfecto, y Coonan, un experto en explosivos. O S-33 contacta con l'U-571 en bel meyo d'una gran tronada y consiguen enganyar a la tripulación y apoderar-se d'o submarino, pero alavez i plega un submarino alemán de furnimiento que torpedeya y funde a lo S-33, salvando-se nomás que Tyler y lo grupo que yeran adintro d'o submarino alemán capturau. Tyler diriche una luita contra lo submarino de furnimiento dende l'U-571 y consigue fundir-lo. Nomás lis queda una opción, que ye dirichir o submarino con os supervivients y los alemans capturaus enta un puerto en os Estaus Unius. O problema ye que de rapiconte un plega un destructor alemán, que puet fundir o submarino malas que descubra que ye en mans de l'enemigo, u comunicar que istos s'han apoderau d'una maquina Enigma, fendo asinas fracasar a misión.