Selachii
- «Tiburón» reendreza enta iste articlo. Pa veyer l'auto de Citroën que popularment s'ha clamau «Tiburón», se veiga Citroën DS.
| Selachii | |
|---|---|
 | |
| Denominacions populars | |
selacios | |
| Clasificación cientifica | |
| Eukaryota | |
| Animalia | |
Filo: |
Chordata |
| Chondrichthyes | |
| Órdens | |
| Órdens de Selachii: | |
Os selacios[1] (nombre cientifico Selachii) son una división d'a clase Chondrichthyes (peixes cartilachinosos), conoixitos popularment como tiburons[1] u escualos[1]. Son os elasmobranquios que conservan a morfolochía hidrodinamica, ye dicir, fusiforme. As aberturas branquials, que son 5 a 7 pars se situan lateralment y as aletas peitorals no son guaire ixamplatas porque a traza de nadar d'os pleurotrematos ye con ondulacions d'o cuerpo y coda. A coda ye heterocerca. A boca ye ventral. Bellas especies son superpredadors en o medio marín con gran mida, belatras son especies chicotas. Son unas 280 especies y 80 cheneros agrupatos en 20 familias y 7 órdens.
Ye un rasgo caracteristico a presencia de radios branquials ceratohial y hiomandibular que presentan una hemibranquia hioidea con función endocrina.
Tamién ye caracteristico y diferent d'as mantas u rayas ye que l'elemento basal mes anterior de l'aleta peitoral, dito propterichio, no s'une a lo cranio. Tampoco son unitas dorsalment as dos cinturas escapulars.
Referencias
editar- 1 2 3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
Vinclos externos
editar
Se veigan as imáchens de Commons sobre Selachimorpha.
Wikispecies tiene un articlo sobre Selachii.
Datos: Q7372- Multimedia: Selachimorpha / Q7372
- Especies: Selachimorpha