Legumen

Una legumen u legumbre (d'o latín legūmen) ye un tipo de fruito seco. Tamién se diz asinas a los lulos u simients comestibles que i creixen y maturan y a las plantas que en producen.

Tres tipos de lentellas

Luberizas

Las legúmens son un grupo alimentario mui homochenio, formato por os fruitos secos d'as leguminosas, desembolicatos a partir d'o chineceu con un solo carpelo y que s'ubre tanto por a sutura ventral como por o niervo dorsal, en dos valvas y con as simients en una ringlera ventral. As tabiellas pueden estar rectas y carnosas. Por o cheneral tienen una carne interior tova, esponchosa, con traza de terciopelo y con color blanca. A suya parte interna corresponde a lo mesocarpo y a lo endocarpo d'o fruito.

A mida d'as legúmens va dende un milimetro u poco mes dica meyo metro. A suya forma, encara en a mayor parte d'os casos ye luenga y preta como en as chodigas, ye muit variable.

Estos fruitos perteneixen a lo gran grupo de plantas d'a familia Fabaceae y atamas d'o grant numero d'especies d'esta familia, las que en minchan as personas y o bestiar no son que poquetas especies.

Legúmens en l'alimentación humana

As prencipals legúmens consumitas por as personas como minchar son:

• Alfalz
• Chodigas
• Garbanzos
• Bisaltos
• Fabas
• Lentillas
• Calcauez
• Soya

Referencias

• Datos: Q145909
• Multimedia: Legumes / Q145909