Futbolín
O futbolín[1] ye un chuego de mesa que reproduce un campo de fútbol con as suyas porterías, os suyos marcadors, os suyos 22 futbolistas fixaus a 8 barras movibles (4 por costau, con os correspondients mangos) y un numero variable de pilotas (bolas). En a modalidat mas conoixida, de chuego de tabierna, a mesa dispone d'un mecanismo que da suelta a todas as pilotas en un calaixo ubierto en prencipiar a partida, dimpués de ficar una moneda, y que las va retenendo una por una a mida que os chugadors aconsiguen ir-las ficando en una portería u l'atra. Os advesarios, individuals u por parellas, accionan as diversas barras con as figuretas d'os futbolistas organizaus en as ringleras clasicas de portero, esfensas, centrocampistas y debanters, con l'obchectivo de disputar-se a bola con o contrario y obtener o mayor numero de gols posible. A partida, que no tien una durada prefixada, remata cuan s'han acotolau as bolas dispensadas por a maquina y gana o chugador (u parella de chugadors) que ha anotau mas puntos en o suyo marcador.
Tamién i hai futbolins domesticos, sin de mecanismo de pagamento, y futbolins pa competicions oficials, reguladas por a federación esportiva correspondient.
Referencias
editar- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
Datos: Q14922
Multimedia: Table football / Q14922