Dio perdona... io no!
Dio perdona... io no! (títol orichinal en italiano, en aragonés Dios perdona... yo no!, estrenada en Aragón con o títol de Tú perdonas... yo no) ye una cinta de cine de western (un "spaghetti western") dramatico dirichida por Giuseppe Colizzi estrenada l'anyo 1967 coproducida por o cine italiano y lo cine espanyol, dirichida por Giuseppe Colizzi seguntes un guión adaptau por Giuseppe Colizzi (basau en una historia d'él mesmo), con una banda sonora orichinal de Carlo Rustichelli, una dirección de fotografía d'Alfio Contini, una producción cinematografica d'Enzo D'Ambrosio ta las productoras Crono Cinematografica y Productores Exhibidores Films Sociedad Anónima y un elenco d'actors d'o cual en fan parte, entre d'atros, Terence Hill, Frank Wolff, Bud Spencer, Gina Rovere, José Manuel Martín, Luis Barboo, Tito García, Frank Braña, Joaquín Blanco, Antonietta Fiorito, Paco Sanz, Franco Gula, José Canalejas, Bruno Arie, Remo Capitani, Antonio Decembrino, Juan Olaguibel, Giovanna Lenzi, Roberto Alessandri, Giancarlo Bastianoni, Rufino Inglés, Arturo Fuento y José Terrón. Ye la primer cinta d'una trlochía de cintas, que continó con I quattro dell'Ave Maria (1968, Giuseppe Colizzi) y La collina degli stivali (1969, Giuseppe Colizzi).
Cat Stevens, clamau "Doc", ye un pistolero y chugador de cartas. Bella nueit troba a un antigo conoixiu, Hutch Bessy, clamau "Earp", que agora treballa ta una companyia de seguros y investiga lo robo de 300.000 dólars. Os autors d'o robo asaltoron un tren y roboron l'oro que transportaba en asasinando a los pasachers, pero Earp conoix os escaicimientos porque un unico hombre sobrevivió a l'ataque. Earp sabe que nomás que un solo hombre ye capable d'organizar un asalto tan complexo como iste de no estar Bill Sant'Antonio, pero lo problema ye que iste fa 10 meses que ha muerto, casualment a mans de Doc, y iste ye lo motivo de que Earp l'haiga buscau. Earp interroga a Doc y descubre que en realidat Bill heba feito servir a Doc ta fer creyer que heba muerto y asinas fuyir con toz os diners d'os succesivos robos cometius sin dar parte a denguno- A la vegada, os hombres de Bill, convencius de que Doc l'ha matau, lo persiguen terne que terne. Doc y Earp marchan en busca de Bill cadaguno por separau, y plegan por separau enta lo puesto a on ha amagau os diners d'o zaguer robo. Tanimientres, malas que han conseguiu amagar éls o botín, son capturaus y Bill busca que li confiesen a on ye ixe botín. Atamas d'ixo, tornan a fuyir y se prepara lo duelo final entre toz tres, Doc, Earp y Bill.
A cinta s'ambienta en bel momento indeterminau d'o sieglo XIX en bel puesto de l'ueste d'Estaus Unius tamién sin determinar, y las suyas escenas se filmoron en Almería, Polopos, Rioja,[nota 1] Rodalquilar, Sierra Alhamilla y Tabernas (Andalucía) en Espanya, amás d'en os Elios Studios en Roma (Lazio) en Italia.[2]
Dio perdona... io no! ha recibiu bel premio, encara que no se tracta d'un premio cinematografico d'os mas conoixius u destacaus d'o panorama cinematografico internacional.
| Actor | Papel | Notas |
|---|---|---|
| ' |
Se veiga tamién
editarNotas
editar- ↑ En o barranco de Balsicas de Alfaro, a on se i han rodau a-saber-lo de cintas.
Referencias
editarVinclos externos
editar
Se veigan as imáchens de Commons sobre Dio perdona... io no!.- (en) Dio perdona... io no! en Internet Movie Database.
Datos: Q1070548- Multimedia: Dio perdona... io no! / Q1070548