Dangerous Mission
Dangerous Mission (títol orichinal en anglés, en aragonés Misión periglosa, estrenada en Aragón con o títol en castellano de Nieves traidoras, en aragonés Nieus traidoras) ye una cinta de cine estausunidense de cine negro d'intriga policiaca y romantica estrenada l'anyo 1954, dirichida por Louis King seguntes un guión adaptau por Charles Bennett, W. R. Burnett y Horace McCoy (basau en una historia de James Edmiston y Horace McCoy), con una banda sonora orichinal de Roy Webb, una dirección de fotografía de William E. Snyder, una producción cinematografica d'Irwin Allen ta la suya productora cinematografica Irwin Allen Production y un elenco d'o cual en fan parte, entre d'atros actors, Victor Mature, Piper Laurie, William Bendix, Vincent Price, Betta St. John, Dennis Weaver, Harry Cheshire, Steve Darrell, Walter Reed y Marlo Dwyer.
Louise Graham presencia l'asasinato d'un chefe d'a mafia de Nueva York y, ta asegurar a suya vida, marcha enta lo Parque Nacional Glaciar, en a muga entre l'estau de Montana y Canadá. Ye seguida por dos hombres: d'una man un achent federal encargau de dar-li protección; d'atra man un sicario d'a mafia con a misión d'asasinar-la. En Montana vive tamién Mary Tiller, una choven d'os piez negros, una brilant estudiant que ye bien corcada por su pai, Katoonai, que ye fuchitivo d'a chusticia (encara que Joe Parker, o chefe d'os guardabosques d'o parque, creye que ye inocent). Cuan Mary conoix a lo sicario, s'enamora d'él. A la fin, o sicario fracasa en matar a Louise y enganya a Mary ta que lo leve enta las montanyas cubiertas de nieu mas isoladas d'o parque con l'obchectivo de fuyir de l'achent chudicial, que demana aduya a lo pai de Mary, explicando-le que su filla se troba en periglo.
A cinta s'ambienta en a suya epoca actual (1954) en Nueva York (Nueva York) y en o estau de Montana, y las suyas escenas se filmoron en dito estau de Montana, amás d'en os RKO Studios en Los Angeles (California).[2]
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar- (en) Dangerous Mission en Internet Movie Database.
- (en) Dangerous Mission en l'American Film Institute Catalog de l'American Film Institute.
Datos: Q3606435