Apus apus
| Apus apus | |
|---|---|
.jpg) | |
| Denominacions populars | |
falceta, falcet / falceto, falcilla / alfalcilla, falquilla, falcinya, falcenya, falcilla negra, falcinyo / falcenyo, falcino, farcenyo, farcino, farcinyo, faucenyo, faucino, faucinyo, valcino, varcino, vaucino, varcinyo,, afarcenyo, afarfenyo, alfaicino, varcenyo, misarán, chirlo | |
| Estau de conservación | |
| Clasificación cientifica | |
| Animalia | |
Filo: |
Chordata |
| Aves | |
| Apodiformes | |
| Apodidae | |
| Apus | |
| A. apus | |
| Descripción | |
| Distribución cheografica | |
 | |
A falceta[1][nota 1] u falcilla[1][nota 2] (nombre cientifico Apus apus (Linnaeus, 1758)[2]) ye una especie d'au d'a orden d'os Apodiformes y familia Apodidae que mide entre 16 y 17 cm de luengo con una envergadura de 38 a 40 cm y ye de tot color parda negruta, fueras d'una chicota taca blanca u grisa palida en a barba que no ye visible dende a distancia. Tienen una coda bifurcada curta y alas muit largas que s'asemellan a una meya luna u un bumerang.
As falcetas tienen patas muit curtas que fan servir sobretot pa aferrar-se a superficies verticals. Nunca s'asientan de buen implaz en o solero, an serían vulnerables a accidents y depredación, y os individuos no reproductors pueden pasar dica diez meses en vuelo contino. A suya velocidat maxima de vuelo horizontal ye de 111,6 km/h y, a lo largo d'a suya vida, pueden recorrer millons de kilometros.
Nombres
editarSe conoixe con diferents nombres entre os que o mas estendillau ye falceta[1][3], rechistrando-se en Abiego, Aísa, Aragüés de lo Puerto, a Perdiguera, Ontinyena, Panzano, Salas Altas y Sietemo. A variant masculina falcet[1][3] se troba en Monzón. D'atra man falcilla[1][3] ye o nombre común en a Fueva, Litera y a provincia de Teruel, asinas como en as localidaz de Bielsa, Binéfar, Campo, as Corz, Fonz, Nerín, Peralta de la Sal y a val de Vio, prenunciau /falˈsiʎa/ lo trobamos en Benás, Graus y La Poblla de Roda. A suya variant alfalcilla[1][3] se rechistra en Estadilla. A forma falquilla[1][3] la trobamos en Gabás y Sarllé. Existen tamién falcilla negra[1][4] en Cinco Villas y falcelleta[5] en o Semontano de Balbastro.
A forma falcinya[1][3] ye present en Rodellar, Salas Altas y a val de Vio y falcenya[1][3] en Alcoleya de Cinca.
A suya variant masculina falcinyo[1][3] se rechistra en Agüero, Broto, Sobremont, Sobrepuerto y Xabierregai, falcino[1][3] en as provincias de Teruel y Zaragoza y en as localidaz d'Alloza, y Ansó y Embún, farcenyo[1][3] y afarcenyo[1][3] en Lanacha, farcinyo[1][3] en Lecinyena, faucenyo[1][3] en Esposa y faucinyo[1][3] en Sigüés, asinas como alfaicino[1][3] en Aragüés de lo Puerto y Chasa y alfalcino[3] en Pina. Atras variants d'ista forma son valcino[1][3], rechistrada en Ansó, varcino[1][3] en Ansó, Berdún, Cinco Villas, Luesia y Sos d'o Rei Catolico y vaucino[1][3] en Exeya d'os Caballers y Uncastiello.
Amás existen atros nombre como misarán[1][3], rechistrau en Araguás, chirlo[1][3] en Morillo de Galligo y chirla[3] en Graus.
Notas
editarReferencias
editar- 1 2 3 4 5 6 7 8 9 10 11 12 13 14 15 16 17 18 19 20 21 22 23 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) Jobling, James A. (2010). The Helm Dictionary of Scientific Bird Names. London: Christopher Helm. p. 52. ISBN 978-1-4081-2501-4.
- 1 2 3 4 5 6 7 8 9 10 11 12 13 14 15 16 17 18 19 20 21 22 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.
- ↑ (es) BLASCO ZUMETA, Javier, Guía de Aves de las Cinco Villas; Ed ADEFO (Asociación para el desarrollo y fomento de las Cinco Villas), Exeya d'os Caballers, 2009, ISBN 978-84-8321-971-3
- ↑ (es) Chesús de Mostolay: EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p.342
