1.500 metros lisos en os Chuegos Olimpicos de París 1900

Os 1.500 metros lisos en os Chuegos Olimpicos d'Atenas 1900 estioron una cursa que fació parte d'o programa de l'atletismo en os Chuegos Olimpicos de 1900. Ista cursa ye una cursa en a que s'ha de fer una distancia de 1.500 metros, libres d'obstaclos, o mes rapido posible, y se fació en a Selva de Boulogne en una pista de 500 metros de cuerda amán d'o velodromo de Vincennes.

Estió la segunda aparición de l'evento, que ye una d'as 12 prebas d'atletismo que s'han celebrau en toz os Chuegos Olimpicos de Verano. Garra d'os corredors de 1896 tornó a competir. John Bray, d'os Estaus Unius, yera lo favorito y lo poseedor d'a millor marca mundial, pero no se notó mientres a cursa. John Cregan, Alexander Grant y George Orton yeran entre los millors corredors en a meya distancia y anque yeran inscritos compitioron en os Chuegos de 1900 en atros eventos, pero no corrioron ista preba. L'evento estió ganau per Charles Bennett, qui amás establió un nuevo récord mundial oficioso^[1] y per tanto tamién récord olimpico.

Medallero

Oro	Archent	Bronce
Charles Bennett OR	Henri Deloge	John Bray

Formato de competición

O sistema ta disputar a preba fue de final directa; no habió fase de clasificación y nueu d'os inscritos en a preba, de seis naciones diferents, disputoron a final. Se facioron un total de tres voltas a una pista de 500 metros.

Desarrollo d'a preba

Faltando beluns d'os millors atletas de meyo fundo, la cursa no tenió muita historia: Benett la lideró dende lo principió dica lo final, aconseguindo realizar una zaguera volta muito rapeda y no dio garra opción a los demás atletas, entre los cuals yera John Bray, qui teneba la millor marca mundial d'ixe anyo.

Clasificación

OR = Récord olimpico
WR = Récord mundial

Posición	Atleta	País	Tiempo
1	Charles Bennett	Reino Uniu	4:06.2 OR/WR
2	Henri Deloge	Francia	4:06.6
3	John Bray	Estaus Unius	4:07.2
4	David Hall	Alemania	Desconoixiu
5	Christian Christensen	Dinamarca	Desconoixiu
6	Hermann Wraschtil	Austria	Desconoixiu
7-9	Ondřej Pukl	Bohemia	Desconoixiu
	John Rimmer	Reino Uniu	Desconoixiu
	Louis Segondi	Francia	Desconoixiu

Referencias

↑ WorldAthletics no reconoixe en ista preba marcas anteriors a la suya fundación.

Vinclos externos

1.500 metros lisos en os Chuegos Olimpicos
Edicions: Atenas 1896 \| París 1900 \| Saint Louis 1904 \| Londres 1908 \| Estocolmo 1912 \| Anvers 1920 \| París 1924 \| Amsterdam 1928 \| Los Angeles 1932 \| Berlín 1936 \| Londres 1948 \| Helsinki 1952 \| Melbourne/Estocolmo 1956 \| Roma 1960 \| Tokio 1964 \| Mexico 1968 \| Múnich 1972 \| Mont-reyal 1976 \| Moscú 1980 \| Los Angeles 1984 \| Seúl 1988 \| Barcelona 1992 \| Atlanta 1996 \| Sydney 2000 \| Atenas 2004 \| Pekín 2008 \| Londres 2012 \| Rio de Janeiro 2016 \| París 2024
Prebas d'atletismo en os Chuegos Olimpicos
Prebas: 100 metros lisos \| 200 metros lisos \| 400 metros lisos \| 800 metros lisos \| 1.500 metros lisos \| 3.000 metros lisos \| 5.000 metros lisos \| 10.000 metros lisos \| Maratón \| 60 metros cletas \| 100 metros cletas \| 110 metros cletas \| 400 metros cletas \| 3.000 metros obstaclos \| Brinco de largaria \| Brinco d'altaria \| Triple brinco \| Brinco con percha \| Tirada de peso \| Tirada de disco \| Tirada de chavelina \| Tirada de martiello \| Pentatlón \| Heptatlón \| Decatlón \| Relevos 4x100 \| Relevos 4x400 \| 5.000 metros marcha \| 10 km marcha \| 20 km marcha \| 35 km marcha \| 50 km marcha

Datos: Q130909

[1] WorldAthletics no reconoixe en ista preba marcas anteriors a la suya fundación.

[1]