Frederick Grant Banting

Frederick Grant Banting (弗雷德里克．班廷)

Frederick Grant Banting, KBE, MC, FRS, FRSC (inkiris: Sir Frederick Grant Banting, 1891 miheca 11 folad 14 romi’ad – 1941 miheca 2 folad 21 romi’ad) o nano Canada a isingsa ato Nobel seire ano eca o ikakoso a cinialaay.

’orip no pipa’orid (生平簡介)

Ci  Frederick Grant Banting o nai Alliston no Ontario a masofoc, misawad nai Toronto daykako i, malaising no sofitay no Canada i saka 1 kalaloodan no hekal.

Minokay tayni kitakit ci Frederick Grant Banting i 1919 miheca, itira cingra i London niyaro’ no Ontario isingan a matayal. Itira to cingra i 1919 miheca tangasa 1920 mihecaan Toronto adadaay no kaemangay isingan a malaising, ato minanam cingra to misalofay to pising a pitokad. Saka itira to cingra i 1920 – 1921 mihecaan malaising no Western Ontario daykako to pisalof to pisingka, itiya i 1921 miheca tangasa 1922 miheca malasingsi no kusuri rikakako. Itiya i 1922 miheca ciniala cingra to ikaku kakui ato cecay a kimpay.

I 1922 mihecaan to kaciherangan, ci Frederick Grant Banting ato padamaay cingraan ci Charles Herbert Best mikingkiw to mafotosay pakayraan a miadah, saka masanga’ nangra ko sakanga’ay pahineknek to kafotos a sapaiyo, sasowalen o siawtawso (Isletin) . Onini a sapaiyo no aniniay nisanga’an a insurin. I’ayaw no 1922 mihecaan, caay ho ko mamanga’ay adahen ko mafotosay adada.

Nanoya matifacay to ko pisateka no isingan, ci Frederick Grant Banting i 1923 miheca malao Nobel seire ano eca o ikakoso a masakapahay cinialaay. O kilatosa no pakaolah ma’isal i padamaay ningra.

O hongti no Inkiris ci George V i 1935 miheca patodong to kacingangan to tadamaanay tamdaw (Sir) ci Frederick Grant Bantingan. Talacowa ikor no 1919 mihecaan, caay to ka nga’ay no Canada tamdaw milayap to pakacingangan no Inkiris, nika i 1935 miheca, o congli no Canada padeteng ci Frederick Grant Banting pala o “Tadamanayu ci Frederick (Sir)” han pangangan.

I 1930 mihecaan, misatapang to ci Frederick Grant Banting to mikihar saki’icel no Nacisu a Toicu.  Orasaka misatapang to cingra to sofitay a kakako kingkiw, mangalef i Seibuso ato kakako sakalalood, sakiSeibuso kalalood a pikingkiw, pakayni i no sapalay no kolang a cisawarakay a pitanam, saka doka’ no nonol a madoka’. Riko’ G to sapitena’ “G-suit” o ni Frederick Grant Banting a nitakaan to no sofitay, sapitena’ no parakatay to hikoki, kakarayan hikosi i kalatiihan a cikay a maseka’. I saka 2 lalood no hekal i, o sofitay no hikokian no Canada a parakatay to hikoki ciriko’ay to nisatekaan ningra.  

I katadamaanan no ’orip ningra itiya i, i 1941 miheca 2 folad 21 romi’ad, tona katolo’ no hikoki a mapatay, oya nikalican ningra a hikoki ona o nai Newfoundland tayra i UK, talacowa o tatodong sakatayra ningra i UK o kafokilan, nika latek oningitangitan no UK a kakakosa to sapisa’adihay misanga’ to Seibuso sakalalood sapitena’ to Nacisu a Toicu, o horac ni Frederick Grant Banting matadem i Toronto no Ontario.

Piharatengan (紀念)

Itira i Canada (在加拿大)

I West Ontario daykako ikakopo, mapangangan ko cecay rawang, tasaay pitilidan no Canada o ningra ngangan ko panganganan.

I 2004 miheca, pahosoan kosi no Canada midemak to “Tadamaanay tamdaw no Canada” a pipili’, o saka 4 ko kacingangan ni Frederick Grant Banting.

Google patosok (Google標題)

I 2016 miheca 11 folad 14 romi’ad, Google mafalic ko sarakatay felih Google Doodle, o piharatengan ci Frederick Grant Bantingan to 125 mihecaan.

Linhoko mafotosay romi’ad (聯合國糖尿病日)

I 1991 miheca, Isi sakapot no hekal ato kasakitakit mafotosay Linhokay patodong to kasofocan ni Frederick Grant Banting o romi’ad no mafotosay i hakal.

I 2006 miheca 12 folad 20 romi’ad, mitelak ko Linhoko nai 2007 miheca o “romi’ad no mafotosay i hekal” pacakatan to “Romi’ad mafotosay Linhoko” sato.

Pinengnengan to tilid (參考文獻)

1.ISBN 978-986-508-113-3