Cembalo

S Cembalo (äigtl. vom ital. Clavicembalo, vom lat.: clavis = Daste; cymbel „Zimbel“; au Gravicembalo; dt. au Klavizimbel oder Kielklavier; Plural Cembali), isch e historischs Dasteinstrumänt, wo sini Blüetezit vom 15. bis 18. Joorhundert gha het. Im Vergliich zu andere Dasteinstrumänt het s e helle Doon, wo riich an Ooberdöön isch.

Cembalo
Klassifikation	Chordofoon Dasteinstrumänt
Doonbischbil	Johann Sebastian Bach – Prelude in C Dur, BWV 846
Verwandti Instrumänt	Klavier, Clavichord, Hammerklavier

Wie dr Doon erzügt wird

Wie d Cembalomechanik funkzioniert (schematisch)

Dr Doon vom Cembalo wird dur dorneförmigi Plektrum erzügt, wenn si Saite aarisse. D Plektrum stecke beweeglig in Springer, und die wärde vo de Daste ufwärts druckt. Mä cha s Cembalo dorum au as „Zupfinstrumänt mit Klaviatur“ beschriibe. Wenn d Daste loosgloo wird, fallt dr Springer aabe und dämpft d Schwingige vo dr Saite mit eme Filz.

Dr Aaschlaag het käi Iifluss uf d Lutsterki vom Doon, nid wie bim Klavier. Wie bin ere Orgle het e Cembalo mänggisch Register, d. h. verschiideni Setz vo Saite, wo mä cha us- und iischalte. Eso cha mä d Lutsterki und d Farb vom Doon verändere.

Weblingg

 Commons: Cembali – Sammlig vo Multimediadateie

Dä Artikel basiert uff ere fräie Übersetzig vum Artikel „Cembalo“ vu de dütsche Wikipedia. E Liste vu de Autore un Versione isch do z finde.