Arno Müller

Dr Arno Müller (* 16. Jänner 1944; † 28. Merz 2026) isch e dytsche Dialäktautoor gsii.

Lääbe

Dr Müller isch z Ihringe ufgwagse un uf d Volksschuel gange. Z Brysach het er bi dr Tabeedefabrik Erismann Chaufmann gleert un deert au 43 Joor lang bis zue syre Pänsionierig as chaufmännische Aagstellte gschafft. Är het z Ihringe gläbt.

Scho frie het si dr Müller fir d Gschiicht un s Bruuchduum vu sym Haimetdoorf inträssiert. Är het si fir di alt Markgreefler Draacht yygsetzt un anne 1976 d „Kaiserstühler Trachtengruppe“ grindet, wu unter anderem au Lieder un Sketsch us syre Fäädere uffiert. Är schrybt Gschiichte un Gediicht im Ihringer Alemannisch. E baar vu syne Gediicht un Lieder sin anne 1987 im Bildband „Well uns des Derfli gfallt“ uusechuu. Syt Ändi 1970er Joor isch er zäme mit em Walter Hintereck as Dua „Die singenden Winzer“ ufdrätte. Si hän Volks- und Haimetlieder gsunge, vylmool uf Alemannisch, dr Müller het derzue Gitarre gspiilt, dr Hintereck Akkordeon.

Ändi Merz 2026 het dr Müller im Alter vu 82 Johr d Auge fir immer zuegmacht.

Wäärch

• Well uns des Derfli gfallt - Bildband mit Gedichten und Liedern von Arno Müller. Herausgegeben von der Kaiserstühler Trachtengruppe Ihringen. 1987

Weblink

• dr Arno Müller uf dr Websyste vum Harald Noth
• Täxtprobe uf dr Websyte vu dr Muettersproch-Gsellschaft
• Kaiserstühler Brauchtum in Person, Badische Zeitung, 29. Dezämber 2017
• Mann des Jahres, Badische Zeitung, 30. Dezämber 2015
• Arno Müller macht „Hoppla hopp, hoppla hopp, hoppla hopp“: Auf dem Ihringer Weinfest., regionalia.de, 30. Mai 2013
• Traueranzeige, Badische Zeitung, 2. April 2026