Rodri
Rodrigo Hernández Cascante (gebore 22 Junie 1996), bekend as Rodri, is ’n Spaanse professionele sokkerspeler wat as ’n verdedigende middelveldspeler speel vir die Engelse klub Manchester City en die Spaanse nasionale span. Bekend vir sy aangee, kalmte, spelopbou en fisieke eienskappe, word hy wyd beskou as een van die beste spelers in die wêreld.[2][3][4][5][6]
.jpg) Rodri in 2019 | |||
| Persoonlike inligting | |||
|---|---|---|---|
| Geboortedatum | 22 Junie 1996 | ||
| Geboorteplek | Madrid, Spanje | ||
| Lengte | 1,90 m | ||
| Speelposisie | Verdedigende middelveldspeler[1] | ||
| Klubinligting | |||
| Huidige klub | Manchester City | ||
| Nommer | 16 | ||
| Jeugloopbaan | |||
| 2006–2007 | Rayo Majadahonda | ||
| 2007–2013 | Atlético Madrid | ||
| 2013–2015 | Villarreal | ||
| Seniorloopbaan* | |||
| Jare | Span | Kere† | (Doele)† |
| 2015–2016 | Villarreal B | 39 | (1) |
| 2015–2018 | Villarreal | 63 | (1) |
| 2018–2019 | Atlético Madrid | 34 | (3) |
| 2019– | Manchester City | 195 | (23) |
| Nasionale span‡ | |||
| 2012 | Spanje o/16 | 2 | (0) |
| 2015 | Spanje o/19 | 8 | (0) |
| 2017 | Spanje o/21 | 6 | (1) |
| 2018– | Spanje | 61 | (4) |
| * Kere vir seniorklub uitgedraf en doele is net vir die plaaslike liga. en korrek soos op 19 April 2026. † Kere uitgedraf (Doele). | |||
Ná tydperke by Villarreal en Atlético Madrid in La Liga, het hy in 2019 by die Premierliga-klub Manchester City aangesluit. Hy het die span gehelp om vier agtereenvolgende ligatitels te wen in die 2020/21, 2021/22, 2022/23 en 2023/24-seisoene. In die 2022/23-seisoen was hy ’n sleutelspeler in die span wat ’n historiese kontinentale driekuns (treble) behaal het. Hierdie driekuns het City se eerste Champions League-titel ingesluit, met Rodri wat die enigste doel in die eindstryd teen Internazionale aangeteken het, en hy is aangewys as Speler van die Seisoen in die toernooi.
Rodri is ’n Spaanse internasionale speler en voormalige jeuginternasionaal. Hy het sy debuut vir die senior nasionale span in 2018 gemaak en sy land verteenwoordig by UEFA Euro 2020, die 2022 FIFA Wêreldbeker en Euro 2024. Hy het die UEFA Nasiesliga in 2023 gewen en is aangewys as die beste speler van die eindtoernooi, en was ’n belangrike deel van Spanje se oorwinning by Euro 2024, waarvoor hy aangewys is as Speler van die Toernooi.
Rodri het verskeie individuele toekennings gewen, veral die Ballon d'Or in 2024. Hy het die tweede manlike Spaanse speler geword wat hierdie prestasie bereik het ná Luis Suárez, wat dit in 1960 gedoen het.[7] Hy was ook die eerste Manchester City-speler wat die toekenning gewen het.[8]
Verwysings
wysig- ↑ Wilson, Paul; Jackson, Jamie (4 Julie 2019). "City's new £62.8m signing Rodri says Manchester may be getting 'more blue'". The Guardian. London. Geargiveer vanaf die oorspronklike op 19 Februarie 2020. Besoek op 19 Februarie 2020.
- ↑ "Man City: 'Disaster' to 'winning machine' – is Rodri the best in the world?". BBC Sport. 22 September 2024. Besoek op 23 Oktober 2024.
- ↑ "Is Rodri the best Premier League midfielder ever?". Premier League. 18 Julie 2024. Besoek op 23 Oktober 2024.
- ↑ "Just how important is Rodri to Man City, anyway? Breaking down injured star's impact". ESPN. 1 Oktober 2024. Besoek op 23 Oktober 2024.
- ↑ "Ranked! The 20 best defensive midfielders in the world". FourFourTwo (in Engels). 12 Desember 2025. Besoek op 7 Februarie 2026.
- ↑ "The 25 Best Defensive Midfielders in World Soccer—Ranked". SI (in American English). 18 Julie 2025. Besoek op 7 Februarie 2026.
- ↑ "Ballon d'Or 2024: Manchester City and Spain midfielder Rodri wins first award". BBC Sport. 28 Oktober 2024. Besoek op 29 Oktober 2024.
- ↑ "Rodrigo becomes first City player to win Ballon d'Or". OneFootball. 30 Oktober 2024. Besoek op 30 Oktober 2024.